ආදර සම්බන්ධතාවක් පවුල් හඳුන්වාදීමක් ලෙස හෝ, අනපේක්ෂිත සම්බන්ධතාවක් ලෙස හෝ, අන්තර්ජාල සම්බන්ධතාවක ප්‍රතිඵලයක් ලෙස හෝ සිදු වුවද, එය ජීවිතයේ නව ආරම්භකයක් ලෙස හැඟේ. ශ්‍රී ලංකාවේ, විවාහ හා ප්‍රේම සම්බන්ධතා යනු පුද්ගලයන් දෙදෙනෙකු අතර පමණක් සිඳුවන දෙයක් නොවන අතර; පවුල, සංස්කෘතිය සහ සම්ප්‍රදායන් යන දේවල්ද මෙයට අයත් වේ. නමුත් මේ කාරණාවේදී පොඩි පොඩි දේවල් ගැන සැලකිලිමත් වීම වඩාත් වැදගත් වන්නේ ඉදිරියේදී එම දේවල් තුළින් අනාගත ජීවිතයට බලපෑමක් ඇතිවන නිසාවෙනි.
එයට හේතුව වන්නේ ශ්‍රී ලංකාවේ ගෘහස්ථ ප්‍රචණ්ඩත්වයේ බහුතරයක් අවස්ථා එක රාත්‍රියක් තුල සිදු නොවන බැවිනි. ඒවා සාමාන්‍යයෙන් ආරම්භ වන්නේ සම්බන්දතාවය පටන් ගත් කාලය තුළ කුඩා, අහිතකර පුරුදු වලින් වන අතර බොහෝදෙනා ඒ දේවල් පහසුවෙන්ම නොසලකා හරිනු ලබයි. මෙම පුරුදු ඉක්මනින් හඳුනා ගැනීම ඔබේ ජීවිතයේ අනාගත සතුටට හේතු වනු නොඅනුමානය.
සම්බන්ධතාවයක් මුල් කාලයේ මෙම කාරණා වලට අවධානය යොමු කිරීම වැදගත් වන්නේ ඇයි?
අපගේ සමාජයේ, විවාහය බොහෝ විට ස්ථාවරත්වය, ගරුත්වය සහ පවුල් ගෞරවය සමඟ සම්බන්ධ වේ. ඉන් ඔබ්බට, අපහාසය, අගෞරවය සහ පාලනයෙන් තොර සම්බන්ධතාවක් සෑම කෙනෙකුටම භුක්ති විඳීමේ අයිතිය ඇති අතර විශේෂයෙන් ස්ත්‍රීන්ට එම අයිතිය තිබිය යුතු වේ. සම්බන්ඳතාවය මුල් කාලයේ අනතුරු ඇඟවීම් හඳුනා ගැනීමෙන්, ඔබට එය දීර්ඝකාලීන සම්බන්ධතා බවට පත්වීමට පෙර අපවාදාත්මක සහිත සම්බන්ධතා පහසුවෙන්ම හඳුනා ගත හැකි වේ. මෙමඟින් ඔබට,
- ඔබ සමානාත්මතාවය සහ ගරුත්වය ප්‍රවර්ධනය කරන සුදුසු සීමාවන් ස්ථාපිත කරයි.
- ඔබ ඔබේ මානසික සෞඛ්‍යය ආරක්ෂා කර විශ්වාසය මත පදනම් වූ සම්බන්ධතාවක් සඳහා ඉඩක් සලසයි.
සම්බන්ඳතාවය අතරතුර සාමාන්‍ය අනතුරු ඇඟවීම්
- අස්ථාවරත්වය
- යමෙකු නිරන්තරයෙන් පොරොන්දු බිඳ දමන විට, ප්‍රතිවිරුද්ධ අදහස් දක්වන විට හෝ සැලසුම් අවලංගු කරන විට.
- එය වැදගත් වන්නේ ඇයි? එහි ප්‍රතිඵලයක් ලෙස ඔබ ව්‍යාකූල වී ඔබට දැනෙන ආරක්ෂිත භාවය අහිමි වේ. එය අවසානයේ දී විවාහය නොසලකා හැරීමට (marital neglect) මඟ පෑදිය හැකිය.
- ඔබට කළ හැකි දෙය: ඔබේ අපේක්ෂාවන් පැහැදිලිව ප්‍රකාශ කර ඔවුන්ගේ වචන සහ ක්‍රියා ගැලපෙනවාද යන්න නිරීක්ෂණය කරන්න.
- අනවශ්‍ය පාලනය
- ඔබ හමු වන්නේ කවුරුන්ද, ඔබ අඳින පළඳින ආකාරය වෙනස් කිරීමට තැත් කිරීම, ඔබ කරන්නේ කුමක්ද යන්න ඔබත් සමඟ සාකච්ඡා නොකර ඔවුන් තනිව තීරණය කිරීම.
- එය වැදගත් වන්නේ ඇයි? ප්‍රේම සම්බන්ධතාවක පාලනය බොහෝවිට හැඟීම් හෝ ශාරීරික අපයෝජනයේ පූර්වරූපයකි. ඕනෑම සම්බන්ධතාවක ස්වාධීනත්වය සහ ගරුත්වය ඉතා වැදගත් වේ.
- ඔබට කළ හැකි දෙය: පැහැදිලි සීමාවන් නිර්මාණය කරන්න. ඔවුන් ඒවා නොසලකා හරිනවා නම් එහි ඔබට සිතන්නට යමක් ඇත.
- අකාර්යක්ෂම සන්නිවේදනය
- අත්‍යවශ්‍ය සාකච්ඡා වලින් වැළකී සිටීම, තර්ක වලදී නිශ්ශබ්ද වීම, හෝ දින ගණන් කතා නොකර සිට ඔබට ඒත්තු ගැනිවීමට උත්සාහ කිරීම.
- එය වැදගත් වන්නේ ඇයි? විවෘත සන්නිවේදනයක් අඩු විට, ගැටළු ගොඩගැසී අවසානයේ දරුණු ගැටුම් ඇති කරයි.
- ඔබට කළ හැකි දෙය: විවෘත සංවාද ගොඩනඟා ගන්න. කෙනෙකු විවෘත සන්නිවේදනය කිරීම ප්‍රතික්ෂේප කරන්නේ නම්, සම්බන්ධතාවය වර්ධනය වීමට ඇති හැකියාව අවම වේ.
- අසංවේදී බව
- ඔබේ අදහස් නොසලකා හැරීම, නිතර ඇතිවන සිත් රිදවීම්, හෝ ඔබේ හැඟීම් අවතක්සේරු කිරීම.
- එය වැදගත් වන්නේ ඇයි? ශ්‍රී ලංකාවේ, වාචික හා හැඟීම් සම්බන්ද අගෞරවය බොහෝ විට ශාරීරික අපයෝජනය නොව කාන්තාවන්ට එරෙහි ප්‍රචණ්ඩත්වයේ පළමු සලකුණ වේ.
- ඔබට කළ හැකි දෙය: හැසිරීම කෙරෙහි සෘජුවම අවධානය ලබා දෙන්න. එවැනි දෙයක් පවතිනවා නම්, එය බරපතල ගැටළු වල සලකුණක් ලෙස සලකන්න.
- සම්බන්ධතාවය ඉක්මන් කිරීම
- ඔබ තීරණය නොකළ ප්‍රේම සම්බන්ධතාවකට තල්ලු කිරීම හෝ ඉක්මනින් විවාහය සිඳු කිරීමට බල කිරීම.
- එය වැදගත් වන්නේ ඇයි? සාර්ථක සම්බන්ධතාවක් ගොඩනැගීමට කාලය ගත වේ. අධික බල කිරීම අනාරක්ෂිත බවක් හෝ වෙනත් අරමුණක් ඇති බවක් පෙන්නුම් කළ හැකිය.
- ඔබට කළ හැකි දෙය: ඔබේ කාලය ගන්න. ඔබට නිසැඟයෙන්ම ආදරය කරන සහකරුවකු එයට ගරු කරනු ඇත.
- අධික ඊර්ෂ්‍යාව
- නිරන්තරයෙන් ඔබ කොහෙද යන්න විමසීම හෝ ඔබට එරෙහිව විවිධ අහේතුක චෝදනා ඉදිරිපත් කිරීම.
- එය වැදගත් වන්නේ ඇයි? ඊර්ෂ්‍යාව මුලින් රැකවරණයක් ලෙස පෙනුනද, අධික ඊර්ෂ්‍යාව බොහෝ විට අනෙකාව පාලනය කිරීමට තැත් කිරීම, සහ අනෙකුත් ප්‍රචණ්ඩකාරී ක්‍රියා දක්වා වර්ධනය වේ.
- ඔබට කළ හැකි දෙය: අවිශ්වාසය ගැන ඔහු/ඇය සමඟ විවෘතව සාකච්ඡා කරන්න. ඊර්ෂ්‍යාව පාලනය කිරීමට අපහසු නම් එය නැවත නැවතත් තිබූ අයුරින්ම ඉස්මතු වන්නේ නම් එම සම්බන්ඳතාවයෙන් මිඳීම ඔබ ගන්නා හොඳම තීරණයයි.
මුල් කාලයේ ඇතිවන අනතුරු ඇඟවීම් නොසලකා හැරීමේ ප්‍රතිඵල
මුල් කාලීන උද්වේගයන් බොහෝ විට නොසලකා හැරිය ද ඒවා දීර්ඝකාලීන ගැටළු බවට පත්වේ. ආදරය කරන කාලයේදී මෙම සලකුණු නොසලකා හැරීම නිසා බොහෝ ශ්‍රී ලාකික කාන්තාවන් තවමත් අපවාදාත්මක විවාහයන් තුළ දුක් කම්කටොළු සහිත ජීවිතයක් ගත කරමින් සිටී. මානසික ආතතිය, විශ්වාසය අඩුවීම සහ ගෘහස්ථ ප්‍රචණ්ඩත්වය යන ප්‍රතිඵල මේ දේවල් තුලින් මුහුණ දීමට සිදු වේ.
ආදරය කරන කාලයේ ආරක්ෂිත වීමට ක්‍රම
- පැහැදිලිව සන්නිවේදනය කරන්න: ඔබේ හැඟීම් ප්‍රකාශ කර ඔබේ සහකරුගේ ප්‍රතික්‍රියාව නිරීක්ෂණය කරන්න.
- සීමාවන් නිර්මාණය කරන්න: ඔබට තවදුරටත් ඉවසිය නොහැකි දේ පැහැදිලිව ප්‍රකාශ කරන්න.
- හැසිරීම් රටා පිළිබඳ අවධානයෙන් සිටින්න: වැරැද්දක් එක් වරක් සිදු වීම සාමාන්‍යයි, නමුත් නිරන්තර හැසිරීම අනතුරු ඇඟවීමකි.
- සහාය ලබා ගන්න: මිතුරන්, පවුල හෝ උපදේශකයින්ගෙන් උපදෙස් ලබා ගන්න.
ශ්‍රී ලංකාවේ ආරක්ෂිත සංස්කෘතියකින් යුත් වටපිටාවක් නිර්මාණය කිරීම
කාන්තාවන්ට එරෙහි ප්‍රචණ්ඩත්වය වැළැක්වීම ආරම්භ වන්නේ විවාහයෙන් පසු නොව, සහකරුවෙකු තෝරා ගැනීමේ මුල් අවධියේදීය. සමාජ, පවුල් සහ වැඩිහිටියන්ට තරුණ තරුණියන්ට දයානුකම්පාව, සමානාත්මතාවය සහ ගරුත්වය අඟය කිරීමට ඉගැන්වීමෙන් ඔවුන්ගේ සම්බන්ධතා වලදී ඔවුන්ට කරනු ලබන උපකාරයකි.
සම්බන්දතාවයකදී අනතුරු ඇඟවීම් පිළිබඳ සාකච්ඡා සාමාන්‍යකරණය කිරීමෙන් පුද්ගලයන්ට, විශේෂයෙන් කාන්තාවන්ට, වඩාත් ආරක්ෂිත තීරණ ගැනීමට බලය ලබා දේ.
ප්‍රේමය යනු අනෙකාව ඉහළට ඔසවා තැබීමක් මිස පහළට ඇද දැමීමක් නොවේ.
By
