ගොඩක් වෙලාවට පිරිමි කියන්නේ ආදරය ඉල්ලන අය නෙමෙයි, ඒ වගේම බොහෝ වෙලාවට සමාජයේ ආදරය ගොඩාක් හිමි වෙන්නේ ගැහැණු අයට, ඒ දේ එහෙම වෙන්නේ ගැහැණු අය උපතින්ම මටසිලිටු, සුසිනිඳු බවක් අරගෙන මේ සමාජයට එන නිසා. පොඩි කාලේදි ආදරය කියන දේ ගැහැණු පිරිමි කියන දෙවර්ගයටම වෙනසක් නැතුව තමන්ගේ දෙමව්පියන්ගෙන් නෑදෑයන්ගෙන් සහ සියලු දෙනාගෙන් ලැබුනත් වයස ටිකෙන් ටික වැඩි වෙද්දි පිරිමි පාර්ශවයට ලැබෙන ආදරය කෙමෙන් කෙමෙන් අඩු වෙනවා. නමුත් ඒක එහෙම වෙන්න ඕනෙද? පිරිමි පාර්ශවය පිටතින් ශක්තිමත් වෙන්න පුලුවන්, ඒත් එයාලගේ ඇතුලෙත් ආදරය රැකවරණය බලාපොරොත්තු වෙන පොඩි දරුවෙක් ඉන්නවා. හැබැයි ගොඩක් වෙලාවට එයාලා ඒක පිටතට පෙන්නන්නේ නෑ. මොකද ස්වාභාවිකවම පිරිමි පාර්ශවය නිර්මාණය වෙලා තියෙන්නේ එහෙමයි.
ආදර සම්බන්දතාවයකදි වුනත්, මංගල යොජනාවක් වුවත් ගොඩක් වෙලාවට ගැහැණු අය තමයි ආදරේ වැඩියෙන් බලාපොරොත්තු වෙන්නේ. බොහෝ වෙලාවට පිරිමි අය තමන්ට ආදරේ අවශ්‍යයි කියලා කියන්නේ නෑ නමුත් එයාලටත් ආදරේ ගොඩක් අවශ්‍යයි, මොකද පිටතින් හැඩිදැඩි රළු පෙනුමක් තිබුනට බොහෝ පිරිමි ඇතුලෙන් ගොඩාක් ආදරණීයයි. එයාලා පිටතින් ශක්තිමත් නමුත් ඇතුලෙන් ගොඩක් ආදරේ බලාපොරොත්තු වෙනවා. විශේෂයෙන්ම තමන්ගේ සහකාරියගෙන්. සමාජයට ඔහු ඔහුගේ ශක්තිමත් බව පෙන්නුවත් ඔබ ඉදිරියේ ඔහුට අවශ්‍ය ඒ සියලු බර පසෙකින්
තබා සැහැල්ලුවෙන්, ආදරෙන් ජීවත් වෙන්න. ඉතින් ඔහුට ඒ දේ කරන්න ඉඩ දෙන්න. ප්‍රශ්නයක් ආවාම ඔහුට මුලින්ම මතක් වෙන්න ඕනේ ඔයාව, එහෙම නැතුව ඔහුගේ ප්‍රශ්න ඔයාට හංගන්න ඉඩ තියන්න එපා, ඔහූගේ ප්‍රශ්න විසඳගන්න උදව් කරන්න. නිතරම ඔහුට ආදරේම විතරක් දෙන්න සහ ගෙදර කියන වචනෙ ඇහුනත් ඔහුගේ හිතට සැනසීමක් ගෙනඑන විදියට ගෙදර වටපිටාව හදන්න. මොකක් හරි ප්‍රශ්නයක් ආව ගමන් මේක මං මගේ wife එක්ක කියන්න ඕනේ කියන මානසිකත්වය හැදෙන විදියට කටයුතු කරන්න, මොකද ගෙදර තියන සතුට වගේම දුකත් එක්කෙනෙක් විතරක් වගකීම භාර ගන්න ඕනේ නෑ, විශේෂයෙන්ම ඒ හැම දුකක්ම පිරිමි කෙනා භාර ගන්න ඕනේ කියලා දෙයක් නෑ,මොකද විවාහයකදී දෙන්නෙක් සහයෝගයෙන් යන ගමන හරි ලස්සනයි, ඒ දේ කරන්න දෙන්නා අතර හොඳ තේරුම් ගැනීමක්, එකිනෙකා ගැන ගෞරවයක්, විශ්වාසයක් සහ ගොඩක් ලොකු ආදරයක් තියෙන්නම ඕනේ. ඉතින් ඔයත් ඔයාට ලැබෙනවා වගේම ආදරය ඔයාගේ husbandට දෙන්න, එතකොට ජීවීතේ අවසන් වෙනකන්ම ආදරේ පටන් ගත්තා වගේම ඒ ආදරේ අවසන් කරන්න පුළුවන්.
By
