ජීවිතය යනු චාරිකාවකි, අපගේ සතුට රඳා පවතින්නේ අප ජීවිතය තුල කරන යම් යම් තේරීම් මත යි. අපි ගන්නා තීරණ අපගේ ජීවිතයට වැඩි වටිනාකමක් එක් කරයි. ප්‍රීතිමත් විවාහ ජීවිතයකට මුල් විය යුතු යම් කරුණු කිහිපයක් තිබේ. පරිපූර්ණ විවාහයන් ගොඩනැගී ඇත්තේ ආදරය, නිවැරදි සන්නිවේදනය සහ අවබෝධය යන පදනම් මතය. සෑම යුවළක්ම අභියෝගවලට මුහුණ දෙන නමුත් තම සහකරුට/සහකාරියට වැඩි කාලයක් වෙන් කිරීම,ඔහුට/ඇයට අගයක් ලබා දීම, සහ සමීප සබඳතාවයක් පවත්වා ගැනීම වැනි කාරණා තුලින් සම්බන්ධතාවයක් පෝෂණය කළ හැකිය. ඔබ අලුත විවාහ වූ හෝ විවාහ වී ටික කලක් ගත වුවද, මෙම ප්‍රධාන අංග කෙරෙහි අවධානය යොමු කිරීම ඔබේ බැඳීම ශක්තිමත් කිරීමට සහ කල් පවතින සතුටක් ඇති කිරීමට උපකාරී වේ.
මනා සම්බන්ධතාවයක් පවත්වාගෙන යාම
මතක තබා ගන්න,ලොව කිසිම ආකාරයකට පරිපූර්ණ සම්බන්ධතාවයන් නොපවතී , නමුත් සම්බන්ධතාවය පෝෂණය කිරීමෙන් ඔබට ඔබේ සහකරු සමඟ ශක්තිමත් සහ කල් පවත්නා බැඳීමක් ගොඩනගා ගත හැකිය. කවදාවත් එකිනෙකාව අත් නොහරින සොඳුරු ආත්මයන් දෙකක් අතර බෙදාහදා ගන්නා වඩාත්ම ආදරණීය සහ ඉහළම ආකාරයට පවතින සහයෝගය බැඳීම වඩාත් සාර්ථක කරයි. ඔබ කෙරෙහි මෙතරම් ලෙන්ගතුකමක් දක්වන්නා වූ ජීවන සහකරුවෙකුට වඩා හොඳ විය හැක්කේ කුමක් ද? එම පුද්ගලයා ඔබේ සියලු ආතතිය දුරු කිරීමට ඔබට උපකාර කරයි. ඔබේ දුෂ්කර කාලවලදී ඔබ පිළිබද වඩාත්ම සැලකිලිමත් වන සහ ඔබේ ආදරණීය පුද්ගලයාගෙන් ඔබට ලැබෙන සහයෝගය අන් කිසිවකට සම කල නොහැකි ය.
අන්‍යෝන්‍ය අවබෝධය
අවබෝධය යනු ශක්තිමත් සහ දිගුකාලීන සම්බන්ධතාවයක හරයයි.සහකරු හා සහකාරිය එකිනෙකාගේ තනි අරමුණු සහ අභිලාෂයන් තේරුම්ගැනීම සහ සහයෝගය දැක්වීම සැමවිටම ඉතා වැදගත් වේ. ප්‍රධාන වශයෙන්, අවබෝධය ඔබට ඔබේ සහකරු සමඟ සමීපව සම්බන්ධ වීමට, විශ්වාසය ගොඩනඟා ගැනීමට සහ අභියෝග වලට දෙදෙනා එකතු වී මුහුණ දීමට අවස්ථාව සලසයි.
සුලු දේවල් බොහෝ විට වැදගත් වේ
එය සැමවිටම සම්බන්ධතාවයක වඩාත්ම වැදගත් වන්නේ සුලු දේවල් වේ, ඔබේ සහකරුට/සහකාරියට කාලය ලබා දීමෙන් දෙදෙනා එකට එකතු වී සුලු අවස්ථා පවා අමතක නොවන මතකයන් බවට පත් කර ගැනීම, මන්ද ජීවිතය යනු සුන්දර මතකයන් ගොන්නක එකතුවකි. මේ අනුව, ඔහු/ඇය පිළිබඳ සෑම විස්තරයක්ම මතක තබා ගනිමින් ඔබේ සහකරු අගය කිරීමට සැමවිටම උත්සාහ කරන්න. ඔබේ බැඳීම සඳහා ඔබ ගන්නා කුඩාම පියවර පවා එය වඩා ශක්තිමත් කරයි.
ඔබේ සහකරුට/සහකාරියට ප්‍රමුඛත්වය දීම
සෑම විටම ඔබේ සහකරුට/ සහකාරියට ප්‍රමුඛත්වය දීමට උත්සාහ කරන්න, ඔබේ හදවත තුල ඔවුන්ට ප්‍රමුඛස්තානයක් ඔවුන්ට ලබා දිය යුතුය. සම්බන්ධතාවයකදී, හවුල්කරැවන් දෙදෙනාම එකිනෙකා පිළිබද අගය කිරීමක් සහ මනා සහයෝගයක් තිබිය යුතුය. ඔබේ සම්බන්ධතාවය තුළ එම අවශ්‍යතා සපුරාලීමට ක්‍රම සොයා ගැනීමට එකට වැඩ කිරීම වැදගත්වේ. මුලින්ම යම් කෙනෙකුගේ ජීවිතය තුල තමා ප්‍රමුඛ යයි හැගීම සහ ආදරය නොඅඩුව ලැබීම යමෙකුට තම ජීවිතයේ ලැබිය හැකි හොඳම හැඟීමයි.
ආදරය, රැකවරණය සහ සෙනෙහස
ආදරය, රැකවරණය සහ සෙනෙහස යන කරැණු පරමාදර්ශී සම්බන්ධතාවයකට මූලික අඩිතාලම වේ. ආදරය, රැකවරණය සහ සෙනෙහස නොමැති තැන බැඳීමක් නොමැත. ඔබ යමෙකුට ආදරය කරන්නේ නම්, ඔබ ඔවුන් ගැන සැලකිලිමත් විය යුතු අතර ආදරය හා සෙනෙහස සමඟ රැකවරණය ස්වභාවිකවම ඉස්මතු වේ.
ඔබේ මමත්වය මදකට පසෙකින් තබන්න
ඔබේ සහකරුට කොන්දේසි විරහිතව ආදරය කිරීම, ඔබේ උසස් ප්‍රමිතීන් දුරස්ථව තබා ගැනීම ඔබේ බැඳීම සාර්ථක කර ගැනීමට වඩා හොඳ ක්‍රමයකි. ආදරයේදී, ඔබේ සතුටට වඩා ඔබේ සහකරුගේ සතුටට මුල්තැන දීම ප්‍රමුඛ වේ. එමනිසා, ඔබ සහ ඔබේ සහකරු අතර ගැටලු ඇති වන විට ඔබේ මමත්වය පසෙකින් තබා ගත යුතුය. තවද, ආරවුලක් අතරතුර දෙදෙනා අතරින් කෙනෙකු පියවරක් පසුපසට ගත යුතුය, මන්ද එමගින් ඔබේ සහකරු සමඟ ඇති ඔබේ බැඳීම සුරැකෙනු ඇත.
සෑමවිට ඔබේ අව්‍යාජ හැඟීම් ප්‍රකාශ කරන්න
ඔබේ අව්‍යාජ හැඟීම් ප්‍රකාශ කිරීම ඔබේ සහකරුට කිසිවිටෙකත් කරදරයක් නොවේ. ඒ වෙනුවට, එය ඔවුන්ට ඔබේ සැබෑ හැඟීම් තේරුම් ගැනීමට උපකාර කරයි. ඔබේ සැබෑ හැඟීම් ඔබේ සහකරුගෙන් සැගවීමට උත්සාහ නොකරන්න, ඔහු/ඇය ඉදිරියේ ඔබට ඔබම වීමට හැකි වීම සතුටට කරුණකි. මන්ද එයින් ඔහුට/ඇයට ඔබ ගැන නිවැරදිව තේරුම් ගැනීමට හැකිවනු ඇත. ඔබේ සැබෑ හැඟීම් ප්‍රකාශ නොකිරීම නිසැකවම ඔබ දෙදෙනා අතර නිරන්තරයෙන් ගැටළු පැන නැගීමට හේතු වේ.
විනෝදය සහ සමීප බව
සෑම විටම ඔබේ සහකරු සමඟ ප්‍රීතිමත්ව කාලය ගත කිරීමට උත්සාහ කරන්න, සහ ඔබේ සහකරු සමඟ විනෝද වන්න. ආත්ම සහකරුවන් යනු ඕනෑම දෙයක් සහ සියල්ල බෙදා ගත හැකි හොඳම මිතුරන් හා සමාන වේ. කුඩා විනෝද චාරිකාවක්, විනෝද ක්‍රීඩා රාත්‍රියක් හෝ ඔවුන්ගේ ප්‍රියතම ආහාරයක් ගෙන ඒම වැනි සරල පුදුම කිරීම් තුලින් ඔබේ සහකරු පුදුමයට පත් කිරීම හා සතුටට පත් කිරීම සාර්ථක සම්බන්දතාවයක ලක්ෂණ වේ.
ඉහත ප්‍රධාන කරුණුවලින් පැහැදිලි වන්නේ සාර්ථක සහ ප්‍රීතිමත් විවාහ ජීවිතයක් ගත කරන්නේ කෙසේද යන්නයි. ඔබේ බැඳීම ආරම්භ වූ ආකාරයටම නැවුම්ව තබා ගැනීමට උත්සාහ කරන්න. ඉතින් සැබෑ ආදර කතාවලට කිසිදා අවසානයක් නොමැත.
සමහර විට ඔබ තවමත් ඔබේ ආත්මීය සහකරු හෝ සහකාරිය සොයනවා විය හැක. එසේත් නැතිනම් ඔබ මෑතකදී සිදු වූ සම්බන්දතාවයක් බිඳී යාමකින් නැවතත් යථා තත්වයට පත්වෙමින් සිටිනවා විය හැකිය.නැතහොත් ඔබ ව්‍යාජ සම්බන්දතා තුලින් වෙහෙසට පත් වී සිටිනවා විය හැකිය. කණගාටු නොවන්න, ඔබගේ ආත්මීය සහකරු/ සහකාරිය සොයා ගැනීමට අප හා සම්බන්ධ වන්න.ශ්‍රී ලංකාවේ අංක 1 විවාහ යෝජනා සේවය – Poruwa. lk
By
