සම්බන්ධතාවයක දෙදෙනා අතර විනිවිඳභාවයේ අඩුවීම: ඒ පිළිබඳ අවධානය යොමු කල යුතු අවස්ථා

විවෘත සන්නිවේදනය සහ විශ්වාසය යනු සාර්ථක, ශක්තිමත් හා දීර්ඝකාලීන සම්බන්ධතාවක අත්තිවාරම වේ. එකිනෙකාගේ හැඟීම් පිළිබඳ අවබෝධයක් නොමැතිකම සහ සාමූහිකභාවයක් නොමැති වූ විට, සාර්ථකව තිබූ සම්බන්ධතාවක් පවා ටිකෙන් ටික දිරාපත් වීමට පටන් ගනී. බොහෝ විවාහ වීමට බලාපොරොත්තුවෙන් සිටින ශ්‍රී ලාංකිකයන් මෙම අභියෝගවලට මුහුණ දෙන බැවින්, අපි poruwa.lk හි විශ්වාස කරන්නේ සාර්ථක සම්බන්ධතාවක් පවත්වා ගැනීම සඳහා විනිවිඳභාවය අත්‍යවශ්‍ය බවයි. 

සම්බන්ධතාවක විනිවිඳභාවයේ වැදගත්කම

ශ්‍රී ලංකා සංස්කෘතිය තුළ, සම්බන්ධතා බොහෝ විට පුද්ගල දෙදෙනෙකුට පමණක් සීමා නොවී පවුල්, සම්ප්‍රදායන් සහ මූලික අඟයන් ද බැඳී ඇත. එබැවින්, සෞඛ්‍ය සම්පන්න සම්බන්ධතාවක් ගොඩනැගීමට සහ පවත්වාගෙන යාමට විවෘතාවය සහ දෙදෙනා අතර ඇති සාමූහිකත්වය ඉතාමත් වැදගත් වේ.

බැඳීමක විනිවිඳභාවයෙන් ඇතිවන වාසි:

විශ්වාසය ගොඩනැඟීම: එකිනෙකාට අව්‍යාජ වීම හැඟීම්වල ස්ථාවරත්වය සහ සබඳතාවය තුල තමන් ආරක්ෂිතයි යන හැඟීම ඇති කරයි.

දෙදෙනා අතර ඇති ගැටුම් වළක්වා ගැනීම: විවෘත සංවාද හේතුවෙන් ඇතිවිය හැකි වැරදි අවබෝධ සහ සැකයන් අඩු වේ.

එකිනෙකාගේ හැඟීම්වල සමීපබව: එකිනෙකාගේ අත්දැකීම්, දෙදෙනා තම තමන් පෞද්ගලික වශයෙන් බිය දක්වන දේවල් සහ එකිනෙකාගේ අනාගත බලාපොරොත්තු සහ අපේක්ෂා බෙදාගැනීමෙන් විවාහ වන දෙදෙනා හෝ විවාහ වීමට බලාපොරොත්තු වන දෙදෙනා අතර ඇති බැඳීම ශක්තිමත් වේ.

විනිවිඳභාවය අඩු වන විට, වැරදි අවබෝධ සහ එකිනෙකා ගැන ඇති හැඟීම්වල දුරස්ථභාවය ඇති වීමට ඇති අවදානම වැඩි වේ.

විනිවිඳභාවය අඩු වීමේ ලකුණු

මෙම ලකුණු මුල් අවධියේදීම හඳුනාගැනීමෙන්, ගැටළු තවත් උග්‍ර වීමට පෙර ඒවා නිවැරදි කිරීමට පියවර ගත හැකිය.

මුදල් පිළිබඳ සාකච්ඡා කිරීමෙන් වැළකී සිටීම: නිතර මුදල් සම්බන්ධ කතාබහට එළඹීමෙන් වැළකී සිටීම.

දෙදෙනා අතර ගැලපෙන  සමීප සාකච්ඡා නොමැතිකම: පොදු අත්දැකීම් සම්බන්ධයෙන් එක් අයෙකුගේ ඇති විසංවාදය.

දෙදෙනා අතර ඇති හැඟීම් දැනීම් වලින් දුරස්ථ බව: සංවේදී සාකච්ඡා වලින් වැළකී සිටීම හෝ බොහෝමයක් හැඟීම් ගැබ් වූ සාකච්ඡා වලින් වැළකී සිටීමට උත්සාහ කිරීම.

පවුලේ අය සමඟ සැලසුම් කරන විශේෂ අවස්ථා හෝ පව්ල සම්බන්ද කටයුතු වලදී සහභාගි වීමේ අඩුවක්.

ඔහුගේ/ඇයගේ හැසිරීමේ/ සිඳුවීම් වල යම් කිසි රටාවක් තිබේදැයි සොයා බලන්න. තනි සිදුවීමකට වඩා සිඳුවීම්/හැසිරීම් රටා තුළින් වැඩි තොරතුරු අනාවරණය විය හැකිය.

සම්බන්ධතාවයක විනිවිඳභාවය අඩු වීමට හේතු

විනිවිඳභාවයේ අඩුවක් සාමාන්‍යයෙන් එකිනෙකාගේ හැඟීම් හුවමාරු කර ගැනීමේදී හෝ දෙදෙනා අතර විවෘත භාවය අඩුකම යන බලපෑම් හේතුවෙන් ඇති වේ.

ගැටුම් වලට ඇති බිය: සත්‍යය පවසන විට ඇතිවන ගැටුම් වළක්වා ගැනීම සඳහා යථාර්ථය සැඟවීම.

පසුගිය විශ්වාසභංගය: පෙර සම්බන්ධතාවලදී ලැබූ චිත්තවේගීය තුවාල හේතුවෙන් එක් හවුල්කරුවෙකු තුළ ඇතිවන විශ්වාසය අඩුව.

චිත්තවේගීය අනාරක්ෂිත භාවය: විවේචනයට හෝ වැරදි ලෙස අවබෝධ කර ගැනීමට ඇති බිය.

බලහත්කාරය: එක් හවුල්කරුවෙකු තීරණ ගැනීමේදී ප්‍රබල ලෙස ක්‍රියාකරන විට, අනෙක් අයගේ කතාබහට හෝ අදහස් ප්‍රකාශයට පත් කිරීමට ඇති අවකාශය සීමා වීම.

බාහිරින් සිඳුවිය හැකි දේවල් නිසා ඇතිවන ආතතිය:මූල්‍ය අභියෝග, රැකියා සම්බන්ධ අවශ්‍යතා හෝ පවුල් සම්බන්ධ පීඩනය.

ඒ පිළිබඳ අවධානය යොමු කල යුතු අවස්ථා

අවස්ථාව අනුව රහස්‍යභාවයක් පැවතිය හැකි නමුත්, එය නිරන්තරයෙන් පවතී නම්, එය අවධානය යොමු කල යුතු ලකුණක් විය හැකිය.

අත්‍යවශ්‍ය සාකච්ඡා නිතර නිතර මඟ හැරීම.

නිරන්තරයෙන් සිදුවන සහ පවසන අසත්‍ය දේවල්.

ප්‍රචණඩකාරී හෝ වඟකීමකින් තොර හැසිරීම.

නිශ්ශබ්දතාවය හෝ පැහැදිලි කිරීමක් නොමැතිව සිඳු කරන මඟ හැරීම්.

මෙම ඒකාකාරී රටා නිතර හමු වේ නම්, සම්බන්ධතා උපදේශනය හෝ විශ්වසනීය වැඩිහිටියෙකු සමඟ විවෘත සාකච්ඡාවක් කිරීමට කාලය පැමිණ තිබිය හැකිය.

විනිවිඳභාවය නැවත ගොඩනැංවීම

විශ්වාසය නැවත ඇති කිරීම සඳහා උත්සාහයක් ගැනීම, දෙදෙනාගෙම සමාන කැපකිරීමකින් යුතු සම්බන්ධයක් සහ ප්‍රතිචාර දැක්වීමක් අවශ්‍ය වේ.

1. සුරක්ෂිත සංවාද ඇති කරගත හැකි වටපිටාවක් නිර්මාණය කරන්න: දොස් නඟන හෝ විවේචනය කරන ස්ථානයක් නොව, තේරුම් ගැනීමට අවකාශයක් ලබා දෙමින් නිතරම සාකච්ඡා ගෙන යෑමට හැකි වටපිටාවක් ගොඩනඟන්න.

2. සම්බන්ඳතාවය තුල සීමාවන් ඇති කර ගන්න: ඔබේ සම්බන්ධතාවය තුළ දෙදෙනා අතර ඇති විවෘතතාවය යනු කුමක්ද යන්න පැහැදිලි කර ගන්න. 

3. අවධානයෙන් යුතුව තම සහකරුට/සහකාරියට සවන් දෙන්න: ඔබේ සහකරුගේ/සහකාරියගේ දෘෂ්ටිකෝණය තේරුම් ගැනීමට උත්සාහ කරමින්, බාධා නොකර සහ ඔවුන්ව විවේචනය නොකරමින් සවන් දෙන්න.

4. විශ්වාසය සෙමින් නැවත ගොඩනඟන්න: කුඩා නමුත් අවශ්‍ය අවස්ථා වලදී අනෙකාට අවශ්‍ය සෑම අවස්ථාවකදීම සාමූහිකත්වය පෙන්වන්න.

5. මේ සඳහා උපදෙස් හෝ යම්කිසි මඟපෙන්වීමක් අවශ්‍ය නම්: වෘත්තීය උපදේශකයෙකු හෝ විවාහ උපදේශකයෙකුගෙන් උපදෙස් ලබා ගැනීමෙන් එකිනෙකා තුළ ඇති අඩුපාඩු මඟහැර ගන්න.

විනිවිඳභාවයේ ගැටළු නොසලකා හැරියහොත් ඇතිවිය හැකි අහිතකර බලපෑම්

විශ්වාසය නැති වීම: රහස්‍යභාවය සම්බන්ධතාවයේ තුල දෙදෙනා අතර ඇති විශ්වාසය පළුඳු කරයි.

හැඟිම් තුලින් ඇති දුරස්ථභාවය: සහකරුවන්/සහකාරියන් එකිනෙකාගේ හැඟීම් තේරුම් ගත නොහැකි වූ විට ඔවුන් වෙන් වී යයි.

වැඩිවන ගැටුම්: විසඳා නොගත් ගැටළු නිතර ගැටුම් ඇති කරයි.

විශ්වාසය නැතිවීමේ අවදානම: සම්බන්ඳතාවයේ විනිවිදභාවය අඩු වූ  විට, බරපතල ලෙස විශ්වාසය අඩු වීමේ අවදානමක් පවතී.

දෙදෙනා අතර ඇති එකිනෙකා කෙරෙහි ඇති විශ්වාසය සහ ගෞරවය සම්බන්ඳතාවය තුල ඇති ආරක්ෂිත භාවයක් ඇති කරයි.

ඔබ සතුව විනිවිඳභාවයෙන් යුත් හදවතක් ඇති විට, එය විශ්වාසය සහ ගෞරවය ගොඩනඟා ගැනීමට උපකාරී වේ.