සම්බන්ධතාවයක් තුළ තම සහකාරියව පාලනය කිරීමට උත්සාහ කිරීම: ශ්‍රී ලාංකික ගැහැණු ළමයින් අවධානයට ගත යුතු දේ
පාලනය කිරීමේ හැසිරීම පෙනෙන්නේ කෙසේද?
සෑම සම්බන්ධතාවයකම විශ්වාසය, ගරුත්වය සහ එකිනෙකාගේ හැඟීම් තේරුම් ගැනීමට උත්සාහ කිරීම අත්‍යවශ්‍ය වේ. පෙම්වතෙක් හෝ සැමියෙක් තම සහකාරියගේ තීරණ, සම්බන්ධතා හෝ ඇයගේ ඇඳුම් පැළඳුම් විධි පවා පාලනය කිරීම ආරම්භ කරන විට, එය අහිතකර සම්බන්ඳතාවයක් ලෙස නම් කල හැක. පාලනය කිරීමේ හැසිරීම තේරුම් ගැනීම තම ස්වාධීනත්වය හා තමන්ගේ යහපැවැත්ම ආරක්ෂා කර ගැනීම සඳහා අත්‍යවශ්‍ය වේ.
පාලනය කිරීමට තැත් කරන සහකරුවෙකු සහකාරියක ඇතිවන සම්බන්ධතාවයන් තුළ, එවැනි ආධිපත්‍ය පතුරවන මෙවැනි අහිතකර හැසිරීම් වඩාත් සූක්ෂම ලෙස සිඳුවිය හැක. එය “ආදරණීය” හැසිරීමක් නොවේ; නිදහස සීමාකිරීමක් ලෙස නම් කල හැක.
ශ්‍රී ලාංකික වටපිටාව තුල ඇති පොදු ලක්ෂණ කිහිපයක්:
නිරන්තරයෙන් දුරකථන ඇමතුම් ගැනීම: ඔබට නිතරම දුරකතන ඇමතුම කෙටි පණිවිඩ එවමින්,ඔබ යන එන තැන් පිළිබඳ විමසමින් අනවශ්‍ය ලෙස ඔබව පාලනය කිරීමට තැත් කිරීම.
සමාජයීය සබඳතා දුරස් කරමින් ඔබව හුදකලා කිරීමට තැත් කිරීම: ඥාතියෙකු හමුවීමට, හෝ මිතුරන් සමඟ වෙලාව ගත කිරීමට, හෝ ඔහු සමඟ නිතර කාලය ගත කිරීමට පවසමින් ඔබ එසේ නොකල දොස් පැවරීම සහ චෝදනා කිරීම.
ඔබ කැමති දේවල් කිරීම සීමා කිරීම: ඔබ ඇදුම් පැළඳුම් ඇදීමේ ආකාරය, ඔබ අනුගමනය කරන වෘත්තිය, හෝ ඔබ තෝරා ගන්නා විනෝදාංශ ගැන ඔහු විවේචනය කරයි.
ඔබට අවශ්‍ය තීරණ ගැනීමට ඉඩ නොදීම: ඔබ ඔහුට අවශ්‍ය තීරණයක් ගැනීම සඳහා අවස්ථාවක් ලබා නොදීම, ඒ සඳහා ඔබේ සිතේ බියක් ඇති කිරීම.
“මගේ සහෝදරියන් සමඟ යාමට හෝ පවුල් උත්සවවලට සහභාගී වීමට පවා ගියහොත් ඔහු කෝප වනු ඇත. මම ඔහුට අහු වුණා වගේ,” යැයි තරුණ කාන්තාවක් පවසන ලදි.
මෙවැනි පාලනයන් තුලදී ඔබ අවදානය යොමු කලයුතු අවස්ථා
ශ්‍රී ලාංකික ගැහැණු ළමයින් වහාම හඳුනා ගත යුතු පාලනය කිරීමේ හැසිරීම්
- මානසිකව පීඩා ඇති කිරීම – සිඳු වන සෑම ක්‍රියාවකම වඟකීම ඇයට පැවරීම, සිඳුවන සෑම වැරද්දක්ම ඇය වැරදිකාරිය කිරීම.
- අනවශ්‍ය ලෙස ඊර්ෂ්‍යා කිරීම
- අධික ආරක්ෂාව
- ඔබගේ ක්‍රියාවන් පිළිබඳ අතිශයින් විවේචනාත්මක වීම
- සුළු සුළු දේවල් පාලනය කිරීම (Micro-managing)
- ඔබගේ තේරීම්වලට අනවශ්‍ය ලෙස මැදිහත් වීම
- සමාජ මාධ්‍ය නිරීක්ෂණය
- ඔබගේ කෙටිපණිවිඩ කියවීම
- පැහැදිලි හේතුවකින් තොරව ඔබ යනඑන තැන් නිරන්තරයෙන් පරීක්ෂා කිරීම.
මෙයට මුහුණ දෙන්නේ කෙසේද?
- හඳුනා ගන්න: එම හැසිරීම පිළිබඳ අවධානය යොමු කරන්න.
- ඔබගේ ගැටලුව ඔවුන් සමඟ පවසන්න: එය ඔබට දැනෙන ආකාරය ගැන ඔවුන් සමඟ පවසන්න.
- ඔබගේ පුද්ගලික අවකාශය තීරණය කරන්න: ඔබ ඔබට පමණක් තබා ගත යුතු දේ හඳුනා ගන්න.
- කතා කරන්න: සහාය ලබා ගැනීමට මිතුරන්, පවුලේ අය, හෝ උපදේශකවරයෙකු වෙත යන්න
සම්බන්ධතාවයක් රඳවා තබා ගත යුතුද යන්න තීරණය කිරීම
සියල්ල පාලනය කිරීමේ හැසිරීම් වෙනස් වන්නේ නැත, එයින් අදහස් විය හැක්කේ ඔබ සම්බන්ඳතාවය දිගටම පවත්වාගෙන යනවාද නැද්ද යන්න සලකා බැලිය යුතු බවයි, විශේෂයෙන්ම:
මානසිකව පීඩා කිරීමේ නිරන්තර චක්‍රයක් ඇති විට, සහ එය වෙනස් කිරීමට කෙරෙන කතාබහ වෙනසකට හේතුවක් නොවෙන විට.
මෙම හැසිරීම් රටාවේ වෙනසක් අවශ්‍ය බව සාකච්ඡා කරන විට පවා ඔහුගේ වරදක් නැති බව පෙන්වීමට උත්සාහ කිරීම.
හැඟීම් පාලනය
ඔබව පාලනය කරන හවුල්කරුවෙකු අතහැර දැමීම මානසික නිදහස වෙත ගමන් කිරීමේ පළමු පියවරයි.
ස්වයං රැකවරණය (Self-care)
මිතුරන්ගේ සහාය ගැනීම සහ පවුලේ අය සමඟ වෙලාව ගත කිරීම.
ඔබට ස්වාධීනව තීරණ ගැනීමට උපකාරී වන පැහැදිලි ඉලක්ක තබා ගැනීම.
ශ්‍රී ලාංකික ගැහැණු ළමයින් තම සම්බන්ධතාවයන් තුළ තම සහකරුවන්ගෙන් පාලනය වීම හඳුනා ගත යුතුය. සම්බන්ධතාවයක් යනු තමන්ගේ නිදහස අවම කිරීමක් ලෙස දැනිය යුතු නැත. ඒවා හඳුනාගෙන මුල් අවධියේදීම අවම කර ගැනීමට උත්සාහ ගන්න. එසේ එම හැසිරීම් රටා වෙනස් කල නොහැකි නම් එම සම්බන්ඳතාවය නැවැත්වීමට කටයුතු කිරීම වඩාත් සුදුසු වේ. මන්ද විවාහයට පෙර ඇති මෙම හැසිරීම විවාහයෙන් පසු වෙනස් වන්නේ අතිශය කලාතුරකිනි.
By
